மேல்மருத்துவரில் சாமி தரிசனம் செய்துவிட்டு கர்நாடக நோக்கி சென்றுக்கொண்டிருந்த பக்தர்கள் பேருந்து மீது லாரி மோதிய பயங்கர விபத்தில் 4 பேர் பலியான சம்பவம் சோகத்தை ஏற்படுத்தியுள்ளது.
மேல்மருவத்தூர் ஆதிபராசக்தி ஆலயத்திற்கு தமிழ்நாடு முழுவதும் பல்வேறு பகுதிகளில் இருந்தும் பக்தர்கள் வருகை தருவது வழக்கம். அந்தவகையில், மேல்மருவத்தூரில் சாமி தரிசனம் செய்துவிட்டு நள்ளிரவில் பக்தர்கள் பேருந்து ஒன்று கர்நாடாகா நோக்கி சென்றுக்கொண்டிருந்தது, அப்போது, ராணிப்பேட்டை அடுத்த எம்ரால்டு நகர் அருகே ஆந்திராவில் இருந்து சென்னை நோக்கி காய்கறிகளை ஏற்றி சென்ற லாரி பக்தர்கள் பேருந்து மீது மோதி விபத்துக்குள்ளானது. இந்த விபத்தில், லாரி ஓட்டுநர் உள்பட 4 பேர் பலியாகினர் . சென்னை பெங்களூரு தேசிய நெடுஞ்சாலையில் ஏற்பட்ட இந்த விபத்தில் 30க்கும் மேற்பட்டோர் காயம் என தகவல் தெரிவிக்கப்பட்டுள்ளது.
தகவலறிந்து சம்பவ இடத்திற்கு விரைந்து சென்ற போலீசார், விபத்தில் சிக்கி காயமடைந்தவர்களை மீட்டு உடனடியாக வாலாஜாபேட்டை அரசு மருத்துவமனைக்கு அவர்களை அனுப்பி வைத்தனர். மேலும் இந்த விபத்து குறித்து வழக்குப்பதிவு செய்து, போலீசார் விசாரணை நடத்தி வருகின்றனர்.
