Petrol Diesel Price | நாட்டில் தற்போது பெட்ரோல், டீசல் விலையானது சீராக உள்ளது. முன்பெல்லாம் எரிபொருள் விலை நாள்தோறும் மாறும். ஆனால், கடந்த சில ஆண்டுகளாக இது நடைபெறவில்லை. இந்த நிலை நீடித்தால் பெட்ரோல், டீசல் விலை குறையாது. உண்மையில் எரிபொருள் விலை அதிகமாக உள்ளது. பல மாதங்களாக எண்ணெய் நிறுவனங்கள் விலையை குறைக்கவில்லை. அரசு வரியைக் குறைத்து, எரிபொருள் விலையைக் குறைக்கும் வரை பெட்ரோல், டீசல் விலை இதே நிலையில் தான் இருக்கும்.
இருப்பினும், மத்திய பட்ஜெட்டில் நிதியமைச்சர் நிர்மலா சீதாராமன், பெட்ரோல் மற்றும் டீசல் விலை குறைப்பு குறித்து முக்கிய கருத்துகளை தெரிவித்தார். எரிபொருள் விலை குறைப்பு குறித்து ஜிஎஸ்டி கவுன்சில் முடிவெடுக்கும் என்று தெரியவந்துள்ளது. ஜிஎஸ்டி விவகாரத்தில் மாநிலங்கள் ஒன்றிணைந்தால் முடிவெடுக்க வாய்ப்பு ஏற்படும் என்றார். ஒரு செய்தி நிறுவனத்திடம் பேசிய அவர், ”தற்போது பெட்ரோல், டீசல் மீது வாட் வரி விதிக்கப்படுகிறது. அனைத்து மாநிலங்களும் ஒன்றிணைந்து எரிபொருளை ஜிஎஸ்டிக்குள் கொண்டு வர சம்மதித்தால், பெட்ரோலியப் பொருட்களை ஜிஎஸ்டிக்குள் கொண்டு வருவோம். இதற்கான விதிமுறைகள் ஏற்கனவே வகுக்கப்பட்டுள்ளது. இந்த தீர்மானம் உடனடியாக அமல்படுத்தப்படும்” என்றார்.
ஆனால், இதற்கு மாநிலங்கள் சம்மதிக்கவில்லை. பெட்ரோல், டீசலை ஜிஎஸ்டியின் கீழ் கொண்டு வந்தால் மாநிலங்களின் வருமானம் குறைய வாய்ப்புள்ளது. அரசாங்கத்தின் கூற்றுப்படி, பெட்ரோல் பொருட்களுக்கான வரி சுமார் 60%. இதனால், மத்திய-மாநில அரசுகளுக்கு பெரும் வருவாய் கிடைத்து வருகிறது. ஜிஎஸ்டி அமலுக்கு வந்தால் வரி குறையும். சாமானியர்களின் சுமை குறையும். அதே நேரத்தில் அரசுகளின் வருவாயும் குறையும். இதனை கருத்தில் கொண்டுதான், மாநிலங்கள் சம்மதிக்கவில்லை.
