மேட்டூர் அணையில் இருந்து தண்ணீர் திறந்து விடப்பட்டதால் பூலாம்பட்டி காவிரி ஆறு தற்போது கடல் போல காட்சியளிக்கின்றது . அதனால் ஏராளமான சுற்றுலா பயணிகள் வருகை புரிந்து படகு சவாரி செய்து மகிழ்ந்தனர்.
சேலம் மாவட்டம் பூலாம்பட்டி காவேரி ஆற்றில் தடுப்பணை கட்டப்பட்டு மின் உற்பத்தி செய்யப்பட்டு வருவதினால் இங்கு காவேரி ஆற்று நீர் பறந்து விரிந்து கடல் போல் காட்சியளிக்கிறது. காவேரி கரையோர பகுதியான நெருஞ்சிப்பேட்டை,பூலாம்பட்டி, கூடக்கல், குப்பனூர் பகுதிகளை இணைத்து மலைச் சார்ந்த பகுதியாக பசுமையான இயற்கை ரம்யமான காட்சி அழிகின்றது. அதனாலே இதனை குட்டி கேரளா என அழைக்கப்படுகிறது.
சேலம் மாவட்டம் பூலாம்பட்டி,ஈரோடு மாவட்டம் நெருஞ்சிப்பேட்டை இடையே விசைப்படகு போக்குவரத்து நடைபெற்று வருகிறது. இதனால் ஞாயிற்றுக்கிழமை மற்றும் விடுமுறை நாட்களில் சேலம் மற்றும் ஈரோடு,நாமக்கல் மாவட்டங்களில் இருந்து ஏராளமான சுற்றுலா பயணிகள் குடும்பத்துடன் வருகை புரிந்து படகு சவாரி செய்து இயற்கையான சூழலை ரசித்து செல்கின்றனர். மேலும், மேட்டூர் அணையிலிருந்து நீர் திறக்கப்பட்டுள்ளதால் பூலாம்பட்டி கதவனைப் பகுதியில் தண்ணீர் நிரம்பி காணப்படுகிறது. இதனை காண சுற்றுலா பயணிகள் குடும்பத்துடன் வந்த நிலையில் படகு சவாரி செய்து மகிழ்ந்தனர்.
அதனை தொடர்ந்து பூலாம்பட்டி படகு துறை அருகே அமைந்துள்ள மீன் கடைகளில் பொறித்த மீன்களை சுற்றுலா பயணிகள் குடும்பத்துடன் வாங்கி சுவைத்து சென்றனர். இதனால பூலாம்பட்டி சுற்று வட்டார பகுதி மற்றும் மீன் கடைகளில் விற்பனை அமோகமாக நடைபெற்றது. மேலும் அப்பகுதியில் உள்ள கைலாசநாதர் கோவில், காவிரி கரையில் அமைந்துள்ள பிரம்மாண்ட நந்திகேஸ்வரர் சன்னதி, படித்துறை பிள்ளையார் கோவில், காவிரித்தாய் சன்னதி உள்ளிட்ட கோவில்களில் வழக்கத்தைவிட கூடுதலான பக்தர்கள் வருகை தந்து சாமி தரிசனம் செய்தனர். சுற்றுலா பயணிகளின் வருகை அதிகரித்துள்ளதால் அப்பகுதியில் உள்ள வியாபாரிகள், வாடகை வாகன ஓட்டுனர்கள், தங்களது வருமானம் அதிகரித்துள்ளதாக மகிழ்ச்சியுடன் தெரிவித்தனர்.
Readmore: விவாகரத்துக்கு முடிவு வைத்த அபிஷேக் பச்சன்!. மீண்டும் பேசுபொருளான மோதிரம்!.
