Happy New Year 2025 | உலகமே 2025ஆம் ஆண்டை ஆவலோடு எதிர்நோக்கி இருக்கும் இந்த நேரத்தில் புதிய தொடக்கங்களுக்காக காத்திருக்கும் நண்பர்களுக்கும், குடும்பத்தினருக்கும் புத்தாண்டு வாழ்த்துகளை பகிர்வது சிறப்பான விஷயமாகும். புத்தாண்டு பிறக்கிறது என்றாலே, புதிய உற்சாகமும், எதிர்பார்ப்பும், நம்பிக்கையும் பிறக்கின்றன. ஒவ்வொருவர் உள்ளத்திலும் இவ்வருடத்திலாவது நல்ல வேலை கிடைக்குமா..? என்பது இளைஞர்களின் ஏக்கம். இப்புத்தாண்டிலாவது, வரன் அமையுமா..? என்பது திருமண மாலை சூடக் காத்திருக்கும் கன்னியரின் கனவு. அவ்வளவு ஏன்..? வயதான பெரியோர்கள் கூட அன்றைய தினம் இளைஞர்களாகி விடுகிறார்கள். காலமே நமது மனநிலையை மாற்றியமைக்கிறது.
2024ஆம் ஆண்டிற்கு நன்றி கூறி விடைபெறும் நேரத்தில் புதிய கனவுகளோடும், எதிர்பார்ப்புகளோடும் 2025ஆம் ஆண்டை ஆவலுடன் எதிர்நோக்கியுள்ளோம். 2024இல் கற்றுக்கொண்ட வாழ்க்கை பாடங்களோடு 2025ஆம் ஆண்டை நம்பிக்கையோடும், மகிழ்ச்சியோடும் வரவேற்போம். புத்தாண்டை கொண்டாடி வரவேற்கும் அதே வேளையில் அன்புக்குரியவர்களிடம் வாழ்த்துகளை பகிர்வதும் சிறப்பான விஷயமாகும். புயல், மழை, வெள்ளம், இழப்பு, சோகம், தோல்வி என பல்வேறு நினைவுகளையும் அதே நேரத்தில் வெற்றி, மகிழ்ச்சி, புதிய சவால்களை தந்து சென்ற ஆண்டிற்கு நன்றி கூறி, புதிதாக பிறந்துள்ள இந்த ஆண்டை உற்சாகத்தோடு வரவேற்போம். அனைவருக்கும் Idp7 News சார்பாக இனிய புத்தாண்டு நல்வாழ்த்துகள்.
