இன்றைய நவீன உலகின் அத்தியாவசிய அங்கமாக வாகனங்கள் மாறிவிட்டன. பயண நேரத்தைக் குறைத்து, வசதியை அதிகரிக்கும் வாகனங்கள், அதே நேரத்தில் சாலை விபத்துக்கள் என்ற பெரும் அச்சுறுத்தலையும் உருவாக்கியுள்ளன. இந்தியா போன்ற அதிக மக்கள் தொகை கொண்ட நாடுகளில் சாலை விபத்துக்கள் பெரும் சவாலாக இருக்கின்றன. சாலைகளில் நாம் அனைவரும் பாதுகாப்பாக பயணிக்க, சாலை பாதுகாப்பு விதிகளை அறிந்து, அவற்றை சரியாக கடைபிடிப்பது மிக அவசியம்.
இந்தியாவிலேயே அதிகளவு சாலை விபத்துகள் தமிழ்நாட்டில் தான் தரவுகள் கூறுகின்றன. இந்த சாலை விபத்துகளை குறைப்பதற்காகவே சாலை விதிகள் உள்ளன.அதை யாரும் முறையாக கடைபிடிப்பது இல்லை. குறிப்பாக வாகனம் ஓட்டுவதற்கு ஓட்டுநர் உரிமம் அவசியம். ஆனால் பலர் ஓட்டுநர் உரிமம் இன்றியே வாகனங்களை இயக்கி வருகின்றனர். ஆனால், நிர்வாணமாக கார் ஓட்டலாம், ஹாரன் அடிக்கக்கூடாது என்பது உள்ளிட்ட விசித்திரமான விதிகளை கொண்ட நாடுகள் பற்றி இந்த தொகுப்பில் பார்க்கலாம்.
தூய்மையில் சிறந்து விளங்கும் ரஷ்யாவில், போக்குவரத்து விதிகளிலும் அது கடைபிடிக்கப்பட்டு வருகிறது. ரஷ்யாவில், அழுக்கு கார் ஓட்டி பிடிபட்டால், போலீசாரால் அபராதம் விதிக்கப்படும். நீண்ட ரஷ்ய குளிர்காலத்திற்குப் பிறகு குடிமக்கள் தங்கள் கார்களைக் கழுவுவதை ஊக்குவிக்க இந்த சட்டம் உருவாக்கப்பட்டது. ரஷ்யாவில் அழுக்கான காரை ஓட்டினால், ஓட்டுநர்கள் 2,000 RUB (இந்திய ரூபாயில் 1,724) அபராதம் செலுத்த வேண்டும்.
பெரும்பாலான நாடுகளில் வாகனம் ஓட்டும்போது குடிப்பதைத் தடைசெய்யும் சட்டங்கள் உள்ளன, இருப்பினும் சைப்ரஸ் அதை ஒரு படி மேலே கொண்டு சென்றுள்ளது. வாகனம் ஓட்டும்போது குடிப்பது அல்லது சாப்பிடுவது கூட சட்டவிரோதமாகக் கருதப்படுகிறது. இந்த தவறை செய்து மக்கள் பிடிபட்டால், 85 யூரோ (இந்திய மதிப்பில் 7,727) அபராதம் செலுத்த வேண்டும்.
ஸ்வீடனில், பகலில் கூட உங்கள் ஹெட்லைட்களை எரிய வைக்க வேண்டும் என்பது சட்டப்படி கட்டாயமாக்கப்பட்டுள்ளது. குளிர்காலத்தில், பகலில் கூட சுற்றுப்புற ஒளியின் அளவு குறைவாக இருப்பதே இதற்குக் காரணம். ஸ்வீடனில் விற்கப்படும் பெரும்பாலான நவீன கார்களில் தானியங்கி ஹெட்லைட்கள் உள்ளன, நீங்கள் அவற்றை அணைக்காத வரை அவை எரிந்து கொண்டே இருக்கும்.
ஜப்பானில் குடித்துவிட்டு வாகனம் ஓட்டுவதைத் தடுக்க கடுமையான சட்டங்கள் உள்ளன. ஒருவேளை போதையில் வாகனம் ஓட்டி பிடிபட்டால், ஓட்டுநருக்கு மட்டும் அபராதம் அல்லது சிறை தண்டனை விதிக்கப்படுவதில்லை, பயணிகளுக்கும் அபராதம் விதிக்கப்படும் மற்றும் போக்குவரத்து விதிகளை மீற அவர்களும் உடந்தையாக இருந்ததாக கருதப்படுவார்கள். நியூயார்க் நகரத்தில் தேவையில்லாமல் ஹார்ன் எழுப்புவது சட்டவிரோதமானது மற்றும் இதற்கு $350 வரை அபராதம் விதிக்கப்படலாம். ஓட்டுநர்கள் தங்கள் ஓட்டுநர் உரிமத்தில் பிளாக் மார்க்குகளை எதிர்கொள்ளலாம், இது அதிக காப்பீட்டு பிரீமியங்கள், கட்டாய ஓட்டுநர் பயிற்சி அல்லது லைசென்ஸ் இடைநீக்கத்திற்கு வழிவகுக்கும்.
பெலாரஸில், இரண்டு சக்கரங்களுக்கு மேல் உள்ள வாகனங்களில், உங்கள் சொந்த தீயை அணைக்கும் கருவியை எடுத்துச் செல்வது கட்டாயமாகும். மேலும் காரில் முதலுதவி பெட்டி, எச்சரிக்கை முக்கோணம், உங்கள் காரின் வெளிப்புற விளக்குகளுக்கான உதிரி பல்புகள், ஹெட்லேம்ப் மாற்றிகள் மற்றும் ஸ்டெப்னி போன்ற பொருட்களும் அவசியம் இருக்க வேண்டும். ஜெர்மனியில் கார் ஒரு “தனியார் இடம்” என்று கருதப்படுகிறது, எனவே அங்கு நிர்வாணமாக கார் ஓட்டுவது அனுமதிக்கப்படுகிறது.
காரில் இருந்து இறங்கும் போது மட்டுமே, ஓட்டுநர்கள் எதையாவது மீண்டும் அணிய வேண்டும். ஏனெனில் இந்த சமயத்தில் அவர்கள் ஒரு பொது இடத்திற்குள் நுழைகிறார்கள், மேலும் நிர்வாணமாக இருப்பது அப்போது குற்றமாகும். பிலிப்பைன்ஸில் விரும்பிய நாளில் வாகனம் ஓட்ட முடியாது. உங்கள் லைசென்ஸ் பிளேட் 1 அல்லது 2 இல் முடிவடைந்தால், திங்கட்கிழமை அன்று பிலிப்பைன்ஸ் வாகனம் ஓட்டுவது சட்டவிரோதமானது.
