சிறு, குறு விவசாயிகளுக்கு பலன் அளிக்கும் வகையில் பிஎம் கிசான் திட்டத்தின் 18வது தவணை நாளை வழங்கப்படவுள்ளது
பிரதம மந்திரி கிசான் சம்மன் திட்டம் விவசாயிகளின் நலனை கருத்தில் கொண்டு செயல்படுத்தபடுத்தப்பட்டு வருகிறது. ஆண்டுக்கு மொத்தம் ரூ. 6 ஆயிரம் மூன்று தவணைகளாக விவசாயிகளுக்கு நிதியாக இத்திட்டத்தின் வாயிலாக வழங்கப்பட்டுவருகிறது. இப்பணம் நேரடியாக இல்லாமல் விவசாயிகளின் வங்கி கணக்கில் வரவு வைக்கப்பட்டு வருகிறது.
கூட்டணி கட்சிகளின் ஆதரவுடன் மூன்றாவது முறையாக பாஜக ஆட்சி அமைந்தது. தொடர்ந்து மூன்றாவது முறையாக பிரதமராக பதவியேற்ற பின் விவசாயிகளுக்கான பிஎம் கிசான் திட்டத்தின் கோப்பில் முதல் கையொப்பம் இட்டார் நரேந்திர மோடி. இதனையடுத்து இத்திட்டத்தின் 17வது தவணையாக ரூ. 2000 விவசாயிகளின் வங்கி கணக்கில் செலுத்தப்பட்டது.
சிறு, குறு விவசாயிகளுக்கு பலன் அளிக்கும் விதமாக ஆண்டுக்கு 6000 ரூபாய் பிஎம் கிசான் திட்டத்தின் கீழ் வழங்கப்பட்டு வருகிறது. இடைத்தரகர்கள் உள்ளிட்ட எந்த இடையூறும் இல்லாமல் நேரடியாக விவசாயிகள் வங்கி கணக்கில் பணம் செலுத்தப்படுவது, இத்திட்டத்தின் மிகப்பெரிய நன்மையாக இருக்கிறது.
இதுவரை மொத்தம் 17 தவணை வழங்கப்பட்டுள்ள நிலையில் 18 வது தவணை பணம் எப்போது வெளியாகும் என்ற காத்திருப்பில் இருக்கின்றனர் விவசாயிகள். இந்நிலையில் அவர்களுக்கு குட் நியூஸ் வழங்கும் விதமாக பிஎம் கிசான் 18வது தவணை நாளை (அக்டோபர் 5)வெளியாக உள்ளதாக கூறப்படுகிறது. ஜம்மு காஷ்மீர் மற்றும் ஹரியானா விவசாயிகளுக்கு கூடுதலாக ரூ.4,000 நிதி உதவி கிடைக்கும் என்றும் கூறப்படுகிறது.
Readmore:”ஏதோ பேருக்கு அரசியலுக்கு வந்த கட்சி அல்ல”..!! தொண்டர்களுக்கு விஜய் எழுதிய முதல் கடிதம்!.
