கால்நடை வளர்ப்பு என்பது விவசாயிகளுக்கு வேகமாக வளர்ந்து வரும் துறைகளில் ஒன்றாகும் இது அதிக லாபத்தை அளிக்கும். இந்த நெருக்கடி காலகட்டத்தில் கால்நடை வளர்ப்பு விவசாயிகளுக்கு சிறிது நிவாரணத்தை அளிக்கும். இருப்பினும், பெரும்பாலான விவசாயிகள் தங்கள் வருமானத்தை அதிகரிப்பதற்காக விவசாயத்துடன் கால்நடை வளர்ப்பு மற்றும் மீன்வளத்திலும் ஈடுபட்டுள்ளனர். கால்நடை வளர்ப்பு தொழிலை மேம்படுத்துவதற்காக அரசு பல முயற்சிகளை எடுத்து வருகிறது. நாடு முழுவதும் கால்நடை வளர்ப்பு விவசாயிகள் தங்களது வணிகத்தை அதிகரிக்க துவங்கப்பட்டது தான் Pashu கிஸான் கடன் அட்டை திட்டம்.
பல்வேறு நோய்கள் மற்றும் இயற்கை சீற்றங்கள் காரணமாக கால்நடைகள் இறப்பதால் விவசாயிகளுக்கு பண இழப்பு ஏற்படுகிறது. இந்த சிக்கலைக் கருத்தில் கொண்டு விவசாயிகளும், மத்திய மற்றும் மாநில அரசும் விலங்குகளை காப்பீடு செய்ய கால்நடை காப்பீட்டுத் திட்டத்தையும் பசு கிசான் கடன் அட்டையையும் நடத்தி வருகின்றன. இந்தத் திட்டம் விவசாயிகள் பசுக்கள் மற்றும் எருமைகளை வாங்க கடன் பெற அனுமதிக்கிறது, புதிய பட்ஜெட்டில் ரூ.5 லட்சம் வரை கடன்கள் வழங்கப்படுகின்றன. கிசான் கிரெடிட் கார்டு மூலம், விவசாயிகள் ரூ.5 லட்சம் கடனைப் பெறலாம், இது கால்நடைகளை வாங்குவதற்கும் பயன்படுத்தப்படலாம்.
அந்தவகையில், எருமை மாட்டுக்கு ரூ.ரூ.60,249 கடன், பசுவுக்கு: ரூ.40,783, செம்மறி ஆடுகளுக்கு: ரூ.4,063, கோழிகளுக்கு: ஒரு கோழிகு ரூ.720 வரை கடன் கிடைக்கும். வட்டி விகிதங்களைப் பொறுத்தவரை, கிசான் கிரெடிட் கார்டு மூலம் எடுக்கப்பட்ட கடன்களுக்கு விவசாயிகள் 7% செலுத்த வேண்டும். அவர்கள் சரியான நேரத்தில் ரூ.2 லட்சம் வரை திருப்பிச் செலுத்தினால், அவர்களுக்கு 3% ஊக்கத்தொகை கிடைக்கும். கூடுதலாக, அவர்கள் கடனை முன்கூட்டியே செலுத்தினால், வருடத்திற்கு 4% குறைந்த வட்டி விகிதத்தில் ரூ.2 லட்சம் கடனைப் பெறலாம்.
விண்ணப்பிக்க, விவசாயிகள் தங்கள் அருகிலுள்ள வங்கிக்குச் சென்று பசு கிசான் கிரெடிட் கார்டு திட்டத்தைப் பயன்படுத்திக் கொள்ளலாம். வங்கி ஒரு விண்ணப்பப் படிவத்தை வழங்கும், அதை நிரப்பி சமர்ப்பிக்க வேண்டும். KYC செயல்முறை முடிக்கப்பட்டு வங்கியால் சரிபார்க்கப்பட்டவுடன், விவசாயிகள் தங்கள் பசு கிசான் கிரெடிட் கார்டை 15 நாட்களுக்குள் பெறுவார்கள் என்று எதிர்பார்க்கலாம். விண்ணப்பிக்கும் போது, விவசாயிகள் தங்கள் பான் கார்டு, ஆதார் அட்டை, வங்கிக் கணக்குத் தகவல், பாஸ்போர்ட் அளவு புகைப்படம், விலங்குகள் பற்றிய விவரங்கள் மற்றும் நில ஆவணங்கள் உள்ளிட்ட பல ஆவணங்களை வழங்க வேண்டும்.
