இந்தியாவில் வீடு இல்லாத ஏழை எளியவர்களுக்கு சொந்தமாக வீடு வழங்கும் விதமாக கடந்த 2015 ஆம் ஆண்டு மத்திய அரசால் பிரதான் மந்திரி ஆவாஸ் யோஜனா திட்டம் துவங்கப்பட்டது. நிரந்தர வீடு இல்லாத மற்றும் தகுதியுள்ள பொதுமக்கள் ஆகியோர் இத்திட்டத்தின் கீழ் இல்லம் கட்டி தரப்படுகிறது. தகுதி வாய்ந்த நபர்கள் ஆவாஸ் யோஜனா திட்டத்தின் பலனை பெறுவதற்கு விண்ணப்பிக்கலாம். அவர்களுக்கு மானியம் வழங்கப்படும்.
நகர்ப்புற ஏழை மற்றும் நடுத்தரக் குடும்பங்களுக்கு அடுத்த ஐந்து ஆண்டுகளில் ஒரு கோடி வீடுகளை உருவாக்கி தருவதை பிரதான் மந்திரி ஆவாஸ் யோஜனா-நகர்ப்புற (PMAY-U) 2.0 திட்டம் நோக்கமாக கொண்டுள்ளது. இந்த திட்டத்தில் ரூ. 25 லட்சம் வரையில் வீட்டுக் கடன்கள் வழங்கப்படுகிறது. இதற்கு 4 சதவீத வட்டி மானியம் தருகிறது. ஐந்து ஆண்டு தவணைகளில் மானியம் வழங்கப்படும். இதில் ரூ 1.80 லட்சம் அதிகபட்ச மானியம்.
பி.எம். ஆவாஸ் யோஜனாவில் மாநில அரசு சார்பில் 1.72 லட்சமும், மத்திய அரசு சார்பில் 1.31 லட்சமும் பயனாளர்கள் பெறலாம். இந்த திட்டத்தினை பயன்படுத்தி வீடு இல்லாதவர்கள் வீடு கட்டி கொள்ளலாம். இதற்கு சில தகுதிகளை அரசு நிர்ணயித்துள்ளது. இந்த தகுதிகள் உடையவர்கள் பிஎம் ஆவாஸ் யோஜாவிற்கு விண்ணப்பித்து பலனை பெறலாம்.
பொருளாதாரத்தில் பின்தங்கிய பிரிவைச் சேர்ந்த குடும்பங்கள் (EWS), குறைந்த வருமானம் கொண்ட குடும்பங்கள் (LIG), நடுத்தர வருமானக் குடும்பங்கள் (எம்ஐஜி) இத்திட்டத்திற்கு விண்ணப்பிக்கலாம். EWS பிரிவினர் ஆண்டு வருமானம் ரூ.3 லட்சத்திற்கு மிகாமல் இருக்க வேண்டும். சொந்த வீடு இல்லாதவர்கள் மற்றும் ஒன்று அல்லது இரண்டு அறைகள், கச்சா சுவர்கள், கச்சா கூரை கொண்ட குடும்பங்களும் விண்ணப்பிக்கலாம்.
மாற்றுத்திறனாளி உறுப்பினர்களை உள்ள குடும்பத்தினர், நிலமில்லாத குடும்பங்கள், பட்டியல் மற்றும், பழங்குடியினர் சமூகத்தை சேர்ந்தவர்கள், சிறுபான்மையினர் இத்திட்டத்தின் பலனை பெறுவதற்கு விண்ணப்பிக்கலாம். மேலும் விண்ணப்பத்தாரர் இந்தியாவில் வசிப்பவராகவும், 8 வயதுக்கு மேற்பட்டவராகவும், சொந்த வீடு இல்லாதவராகவும் இருக்க வேண்டும்.
ஆன்லைனிலே பிரதான் மந்திரி ஆவாஸ் யோஜனா திட்டத்திற்கு விண்ணப்பிக்கலாம். அல்லது பொது சேவை மையத்திலும் தேவையான ஆவணங்களுடன் விண்ணப்பிக்கலாம். ஆன்லைனில் (https://pmaymis.gov.in) என்ற அதிகாரப்பூர்வ இணையத்தளத்தில் பிஎம் ஆவாஸ் யோஜனாவிற்கு விண்ணபிக்கலாம் என்பது குறிப்பிடத்தக்கது.
Readmore: ஐயப்ப பக்தர்களே!. 24 மணி நேர தகவல் மையம்!. தொலைபேசி எண்களும் அறிவிப்பு!. தமிழக அரசு புதிய ஏற்பாடு!
