மழைக்காலம் தொடங்கியதும் குழந்தைகள் சாதாரண குடிநீருக்கு விடை கொடுத்துவிட்டு வெந்நீர் குடிப்பது நல்லது. ஏனெனில் வெந்நீர் மழைக்கால நோய்களான சளி, இருமல் பிரச்சனை வராமல் தடுக்கும். இயல்பாகவே வெதுவெதுப்பான நீர் அருந்துவது ஏராளமான நன்மைகளை உடலுக்கு அளிக்கும். அவற்றுள் 7 பலன்கள் பற்றி பார்ப்போம். ஒரு கப் சூடான நீரை எடுத்துக்கொள்ள வேண்டும். அதிலிருந்து வெளிப்படும் நீராவியை மூக்கு துவாரங்கள் வழியாக ஆழமாக உள்ளிழுக்க வேண்டும். பின்பு அந்த நீரை பருக வேண்டும்.
அப்படி சூடான நீரை உள்ளிழுப்பதும், பருகுவதும் சைனஸ் மற்றும் தொண்டை பகுதிகளை சூழ்ந்திருக்கும் சளி சவ்வுகளுக்கு இதமளிக்கும். அந்த பகுதியை சூடேற்றுவதோடு சளி கட்டிகளால் ஏற்படும் தொண்டை புண்ணை ஆற்றவும் உதவும். தேநீர், வெந்நீர் போன்ற சூடான பானம் மூக்கு ஒழுகுதல், இருமல், தொண்டை வலி, சோர்வு போன்றவற்றுக்கு நிவாரணம் அளிக்கும் என்பதை ஆய்வு முடிவுகளும் உறுதிபடுத்தியுள்ளன.
வெந்நீர் குடிப்பது செரிமான மண்டல செயல்பாடுகளை ஊக்குவிக்க உதவும். வயிறு மற்றும் குடல் வழியாக வெந்நீர் செல்லும்போது, உடல் கழிவுகளை அகற்றுவதற்கும் துணை புரியும். குறிப்பாக செரிமானமாவதில் சிக்கல் இருந்தால் சூடாக நீர் பருகுவது பலனளிக்கும். அப்படி வெந்நீர் பருகுவது செரிமானத்திற்கு உதவுவதாக உணர்ந்தால் அதனை தொடர்வது எந்த தீங்கும் விளைவிக்காது என்பது ஆய்வுகளின் மூலம் உறுதியும் செய்யப்பட்டிருக்கிறது.
போதுமான அளவு தண்ணீரோ, வெந்நீரோ, குளிர்ந்த நீரோ பருகாவிட்டால் நரம்பு மண்டலத்தின் செயல்பாட்டில் எதிர்மறையான விளைவுகளை ஏற்படுத்தக்கூடும். இறுதியில் மன நிலை மற்றும் மூளை செயல்பாட்டில் பாதிப்பை உண்டாக்கலாம். போதுமான அளவு தண்ணீரோ, வெந்நீரோ பருகுவது நரம்பு மண்டலத்தின் செயல்பாட்டையும், மனநிலையையும் மேம்படுத்தும் என்பது ஆய்வுகளிலும் கண்டறியப்பட்டுள்ளது.
மலச்சிக்கல் ஏற்படுவதற்கு நீரிழப்பும் முக்கிய காரணமாக அமைந்திருக்கிறது. அதனால் மலச்சிக்கலை போக்குவதற்கு தண்ணீர் சிறந்த வழிமுறையாக இருக்கிறது. உடலில் நீரேற்றத்தை தக்கவைப்பது மலத்தை மென்மையாக்கும். தொடர்ந்து வெந்நீர் பருகுவது குடல் இயக்கங்களை சீராக வைத்துக்கொள்ள உதவும். மலச்சிக்கல் பிரச்சனைக்கு நிவாரணம் தரும்.
வெந்நீரோ, தண்ணீரோ அதனை எந்த வெப்பநிலையில் பருகினாலும் உடலை நீரேற்றமாக வைத்திருக்க உதவும். பெண்கள் குறைந்தபட்சம் 2.3 லிட்டர் தண்ணீரும், ஆண்கள் குறைந்தபட்சம் 3.3 லிட்டர் தண்ணீரும் பருக வேண்டும் என்று இன்ஸ்டிடியூட் ஆப் மெடிசின் அமைப்பு பரிந்துரைக்கிறது. எல்லா நேரமும் அருந்த முடியாவிட்டாலும் தினமும் காலை பொழுதில் வெந்நீர் அருந்தும் பழக்கத்தை தொடரலாம்.
குளிர்ச்சியான சூழலின் போது சூடான திரவங்களை பருகுவது உடல் நடுக்கத்தை குறைக்க உதவும். அந்த சமயத்தில் சூடான நீரை பருகுவது உடல் வெப்பநிலையை பராமரிப்பதற்கும் உதவிடும். குளிர்ச்சியான சூழலில் வேலை செய்பவர்கள், உடற்பயிற்சி செய்பவர்களுக்கு இது பயனுள்ளதாக இருக்கும் என்று ஆய்வு முடிவுகளும் கூறுகின்றன.
வெதுவெதுப்பான நீரில் குளியல் போடுவது தமனிகள், நரம்புகளை விரிவடைய செய்து ரத்த ஓட்டத்தை மேம்படுத்தும். ரத்த அழுத்தம், இதய நோய் அபாயம் ஏற்படுவதை தடுக்கும். வெந்நீர் குடிப்பதும் இதேபோன்ற விளைவை ஏற்படுத்தும். அதிலும் இரவில் சுடு நீரில் குளியல் போடுவதும், வெந்நீர் அருந்துவதும் உடலை ஆசுவாசப்படுத்தி நிம்மதியான உறக்கத்திற்கு தயார்படுத்த உதவும்.
Readmore: குட்நியூஸ்!. பொங்கலுக்கு ரூ. 2000!. இல்லத்தரசிகளுக்கு டபுள் ஜாக்பாட்!. தமிழக அரசு மாஸ் பிளான்!
