சென்ட்ரல் பேங்க் ஆப் இந்தியாவில் 4500 அப்ரண்டிஸ் பணியிடங்களுக்கான பயிற்சி அறிவிப்பு வெளியாகி உள்ளது.
டிகிரி முடித்தவர்களுக்கு சென்ட்ரல் பேங்க் ஆப் இந்தியாவில் அப்ரண்டிஸ் பயிற்சிக்கு விண்ணப்பிக்க ஒரு சூப்பரான வாய்ப்பு வந்துள்ளது. இந்தப் பயிற்சியில் சேர்ந்தால், வங்கி வேலைக்கான திறமைகளை வளர்த்துக்கொள்ள முடியும். எதிர்காலத்தில் வங்கியில் வேலை கிடைக்கவும் இது ஒரு நல்ல வாய்ப்பாக அமையும்.
என்ன பதவி, யார் விண்ணப்பிக்கலாம்?
- பதவியின் பெயர்: அப்ரண்டிஸ் (பயிற்சியாளர்)
- காலியிடங்கள்: மொத்தம் 4500 காலியிடங்கள் உள்ளன.
- சம்பளம்: இந்தப் பயிற்சியில் சேரும் உங்களுக்கு மாதந்தோறும் ரூ.15,000 ஊக்கத்தொகையாகக் கிடைக்கும்.
- கல்வித் தகுதி: ஏதாவது ஒரு பாடப்பிரிவில் டிகிரி (இளங்கலைப் பட்டம்) முடித்திருந்தால் போதும், நீங்கள் இந்தப் பயிற்சிக்கு விண்ணப்பிக்கலாம்.
- வயது வரம்பு: 20 வயது முதல் 28 வயது வரை உள்ளவர்கள் விண்ணப்பிக்கலாம்.
வயது வரம்பில் தளர்வு உண்டா?
ஆமாம், அரசு விதிகளின்படி குறிப்பிட்ட பிரிவினருக்கு வயது வரம்பில் தளர்வு உண்டு:
- SC/ST பிரிவினர்: 5 ஆண்டுகள்
- OBC பிரிவினர்: 3 ஆண்டுகள்
- மாற்றுத்திறனாளிகள் (பொது/EWS): 10 ஆண்டுகள்
- மாற்றுத்திறனாளிகள் (SC/ST): 15 ஆண்டுகள்
- மாற்றுத்திறனாளிகள் (OBC): 13 ஆண்டுகள்
எப்படி விண்ணப்பிப்பது? - சென்ட்ரல் பேங்க் ஆப் இந்தியாவின் அதிகாரப்பூர்வ இணையதளமான www.centralbankofindia.co.in மூலம் ஆன்லைனில் விண்ணப்பிக்கலாம். விண்ணப்பிக்கும் முன், முழுமையான அறிவிப்பை ஒருமுறை படித்துக்கொள்ளுங்கள்.
விண்ணப்பக் கட்டணம் எவ்வளவு? - SC/ST/EWS மற்றும் பெண் விண்ணப்பதாரர்கள்: ரூ.600/-
- மாற்றுத்திறனாளிகள்: ரூ.400/-
- மற்றவர்கள்: ரூ.800/-
- எப்படி தேர்வு செய்வார்கள்?
- ஆன்லைன் தேர்வு மற்றும் ஆவண சரிபார்ப்பு, மொழித் தேர்வு மூலமாக தகுதியானவர்கள் தேர்வு செய்யப்படுவார்கள்.
முக்கியமான தேதிகள்:
- விண்ணப்பிக்கத் தொடங்கும் நாள்: ஜூன் 07, 2025
- விண்ணப்பிக்கக் கடைசி நாள்: ஜூன் 23, 2025
